Demandar terras
Aterra permíteche buscar terras para incorporarte á actividade agraria ou gandeira ou para incrementar a base territorial do teu proxecto. Tamén podes atopar proxectos dispoñibles para aluguer ou venda. Pódese consultar toda a información dispoñible no visor e crear a túa propia demanda.
- Fai clic en “Ir ao visor” e en “Iniciar sesión”. Crea unha conta se aínda non o fixeches.
- Debuxa un polígono que abranga a zona onde estás interesada/o en atopar terras.
- Indica a superficie aproximada en hectáreas que estás a buscar, a que queres destinala e cal sería o tamaño mínimo de parcela en ha que precisas.
- Déixanos algún dato de contacto para que poidamos axudarche.
Finca Antela
A Deputación de Ourense e o Grupo de Desenvolvemento Rural Limia-Arnoia acordaron a xestión por parte do GDR das parcelas da "Finca Antela", no concello de Sandiás, a través da iniciativa Aterra e o seu equipo técnico.
O obxecto do acordo entre as dúas entidades é o arrendamento das parcelas a explotacións agrogandeiras.
Se estas interesado, cubre os anexos e envíanos ao correo electrónico (info@aterra.es) a documentación que se detalla nas bases.
Se tes algunha dúbida, ponte en contacto con nós.
Bases e anexos: